حوار حول منتخب ليبيا الحرة ومنتخب موزمبيق

السلام عليكم ورحمة الله وبركاته

الوطني....!!
بالله قداش ليكم عليها هالكلمة وهالشعور؟؟؟
منتخبنا الوطني,,,,

اليوم تجمع شباب من خيرة شبابنا الأحرار
تجمعوا وسينالوا نشرف تمثيل أول منتخب ليبي وطني حر منذ 42 سنه
منتخب سيلعب بأسم ليبيا ولا شيء غير ليبيا
ليبيا الحرة ليبيا كل الليبيين
لن تكون هناك حسابات أخرى غير لعب الكرة للكرة
فوز تعادل خسارة صدقوني مش مهمة بالنسبة ليا
لأني عارف اننا متأخرين وهلبة هلبه علي غيرنا وفوزنا قد يعطينا دفعة معنوية ولكن لا خسارتنا ولا تعادلنا حيحبطنا أو حيغير في الموضوع شيء

علمنا ونشيدنا وحرارة لاعبينا وأرواح شهدائنا وعزيمة أولادنا ستكون هي الزاد
لم نستعد لهذه المبارة بالشكل الجيد بدنيا
نحن لها معنويا
خذلنا بعض من كنا نرى فيهم قوة أضافية لنا؟؟
وفيه من ظهر وسبنا وقال جرذان ومنهم من هتف هتاف الشرك ذاك


الحاضر بوطنيته وعزيمته أقوى ان شاء الله

زمان كنا نحضروا في مباريات المنتخب الأخضر
لابسين أخضر واسماءهم أحمد وسمير ومحمد وتوفيق وعمر ومصباح
كانوا صح ليبيين زينا بس كان فيه شيء أخر ماكانش لليبيا
كان نشيد الله أكبر يعزف كنا نقف ونصفق ونجلس ونتفرج يرفع علم أخضر لا ننظر اليه حتى
كنا نقول بيلعب فلان وعلان وفلتان بنمشي نشجع المنتخب مش لاعبين ممكن نشجع ضدهم

اليوم
تم أستدعاء لاعبين ابطال,,,,,,, لبوا
منهم من كان في الجبهة ومنهم من أستشهد
ولكن ولأنه الحق من يعلو دائما وينتصر
انتصرنا
ولن ينال شرف تمثيل منتخبنا الليبي الا الليبي الصح لأنه هو من سيلعب لليبيا وسيقدم كل ما يملك وان كان قليل لا يهم
فهو قدم نفسه قبل ذلك

اليوم نحن جمهور الكرة مدرجات وكيبوردات

كنا نشجع المنتخب لأن فيه أحمد وطارق وسمير
صرنا نشجع أحمد وسمير ومعتز لآنهم في المنتخب
كنا لا ننظر الي الراية
اليوم نتلحف بها ونرفهعا بايدينا وعيوننا
كنا نصفق للنشيد
اليوم ستدوي به جنبات الملعب وتهتف به حناجرنا
يابلادي واسلمي اسلمي اسلمي واسلمي
ليبيا ليبيا ليبيا

كنا نعود بحسرات ونكسات ودموع وان فزنا
اليوم وان خسرنا سنعود ونحن نردد خيرها في غيرها
ليبيا ليبيا ليبيا

سنكون في الموعد يوم السبت
لنرفع بونجمة وهلال ونردد لن نعود للقيود تحررنا وحررنا الوطن

دمتم بكل ود
ولا عزاء للحاقدين
وياما مازالت خوارير ليبيا ومجاريها تحمل,,,,,